Kazaki znoŭ vyvozili biełaruskich dziaciej u Rasiju — hetym razam na «źlot» pa linii «Rassupracoŭnictva»
Kazaki znoŭ vyvozili biełaruskich dziaciej na mierapryjemstvy ŭ Rasiju. Pra heta infarmuje staronka pradstaŭnictva «Rassupracoŭnictva» ŭ Biełarusi.
Usio adbyłosia ŭ Smalensku pry padtrymcy Smalenskaj filii «Rasijskaha sajuza moładzi» i pradstaŭnictva «Rassupracoŭnictva» ŭ Biełarusi.
«U mierapryjemstvie ŭziali ŭdzieł kazackija kadeckija hrupy Smalenskaha asobnaha kazackaha tavarystva «Centralnaje kazackaje vojska», delehacyja kazackaj moładzi Biełarusi. Haściami junych kazakaŭ byli pradstaŭniki vieteranskich hramadskich arhanizacyj, kazackija i moładzievyja tvorčyja kalektyvy, pasłancy hramadskich ruchaŭ», — havorycca ŭ spravazdačy.
Praŭda, z dałučanych fota vyhladaje, što i samo mierapryjemstva, i kulturna-adukacyjnaja prahrama byli sumnavatymi.
Tak, biełaruskim delehatam u kolkaści pary čałaviek pakazali, naprykład, abšarpany stary viertalot.
A taksama cacačnyja tanki, i dali patrymać u rukach pažarny šlem. Na kansiervy z suchpajkoŭ jany hladzieli praz muziejnaje škło.
Aktyŭnaja častka była ŭ zborcy aŭtamata i hulni ŭ łaziertah.
Pryvioz biełaruskuju delehacyju Anton Šyšmaroŭ z Kapyla — samy pravy na fota, z «pahonami» starleja.
Jak vynikaje ź jahonaj staronki UKantakcie, Šyšmaroŭ — prafiesijny bajanist. I asnoŭnyja jahonyja hastroli vypadajuć na vajennyja kalektyvy Biełarusi.