Łukašenka aryjentavaŭ rehijony na vialikuju samastojnaść u narychtoŭcy karmoŭ
Alaksandr Łukašenka aryjentuje rehijony na vialikuju samastojnaść u pytańni narychtoŭki karmoŭ. Pra heta jon zajaviŭ siońnia ŭ čas rabočaj pajezdki ŭ Iŭjeŭski rajon, piša BIEŁTA.
Kiraŭnik dziaržavy tradycyjna pacikaviŭsia chodam uboračnaj kampanii — zbožžavych, uklučajučy kukuruzu, vidami na ŭradžaj pa inšych vidach sielhaskultur. «9 młn t zbožža (ŭradžaju, uklučajučy kukuruzu i raps) — heta nižniaja vaša miaža», - skazaŭ kiraŭnik dziaržavy.
Razam z tym jon źviarnuŭ uvahu, što treba dziejničać razumna, asabliva z ulikam uborki kukuruzy, jakaja źjaŭlajecca važnaj karmavoj kulturaj. Dzieści ŭ zaležnaści ad miascovych patrebaŭ lepš zakłaści zialonuju masu kukuruzy na siłas, a dzieści — narychtavać ziernie. «Nijakaha cisku być nie pavinna. Ludzi pavinny na miescach vyznačycca z ulikam patrebnaści vobłaści. Hladzicie pa taktycy», — padkreśliŭ biełaruski kiraŭnik.
Alaksandr Łukašenka źviarnuŭ uvahu, što ŭradžaj dobry i pa inšych sielhaskulturach — bulbie, cukrovych burakach, i treba rychtavacca da ich ŭborcy.