«Sajuz» z rasijskim robatam «Fiodaram» nie zmoh prystykavacca da MKS
Roskosmas
Kaśmičny karabiel «Sajuz MS-14», na borcie jakoha znachodzicca robat «Fiodar», nie zmoh u zapłanavany čas sastykavacca ź Mižnarodnaj kaśmičnaj stancyjaj. Pra heta paviedamlaje RBK.
Karabiel padyšoŭ da stancyi bližej čym na 100 m, potym zavis la pryčalnaha modula, paśla čaho pačaŭ adychodzić ad MKS. U ciapierašni čas «Sajuz» adviali na biaśpiečnuju adlehłaść ad kaśmičnaj stancyi.
Krynica ahienctva «RIA Naviny» ŭ rakietna-kaśmičnaj haliny raspaviała, što karabiel nie zmoh sastykavacca z MKS z-za niaspraŭnaści sistemy zbližeńnia «Kurs». Na adlehłaści 100 m, pa ŭsioj bačnaści, adznačyŭ surazmoŭca, admoviŭ adzin paŭkamplekt sistemy na karabli, paśla čaho jon aŭtamatyčna pieraklučyŭsia na druhi, adnak i tut uźnikli prablemy. Zatym CKP daŭ kamandu na advod karabla ad MKS.
U NASA, u svaju čarhu, ŭdakładnili, što kaśmičny aparat nie zmoh zafiksavacca na pryčalnym błoku MKS.