Karpienka: Školnikaŭ možna razhruzić, abjadnaŭšy ekzamien u škole i CT
Mahčymaść uviadzieńnia ahulnanacyjanalnaha ekzamienu paśla zakančeńnia škoły abmiarkujuć da kanca hoda na śpiecyjalnaj naradzie z udziełam Łukašenki. Pra heta ŭ intervju BT raspavioŭ ministr adukacyi Ihar Karpienka.
«My ŭ škole, dapuścim, pišam pierakaz. A pry pastupleńni ŭ VNU zdajom test. Pa matematycy pišam kantrolnuju rabotu, a pry pastupleńni — test. Heta roznyja pa formie ekzamieny. I, viadoma, heta stvaraje peŭnyja prablemy», — adznačyŭ ministr. Pavodle jaho słoŭ, nastaŭnik siońnia razryvajecca pamiž padrychtoŭkaj školnikaŭ da CT i vynikovym ispytam za kurs ahulnaj siaredniaj adukacyi.
«Tut jość rezierv, dzie možna było b razhruzić školnikaŭ. Moža być, sumiaściŭšy ekzamien u škole i centralizavanaje teściravańnie. My jaho ŭmoŭna nazyvajem «ahulnanacyjanalny ekzamien»», — skazaŭ Ihar Karpienka.