Prezident Litvy pravioŭ tajemnuju sustreču dla abmierkavańnia adnosin ź Biełaruśsiu
Prezident Litvy Hitanas Naŭsieda pravioŭ sustreču z kiraŭnictvam MZS krainy i litoŭskimi palitołahami, na jakoj abmiarkoŭvalisia pierśpiektyvy palapšeńnia adnosin krainy ź Biełaruśsiu, paviedamlaje Delfi.
Sustreča adbyłasia ŭ aŭtorak u prezidenckim pałacy ŭ Vilni. U joj uziali ŭdzieł ministr zamiežnych spraŭ Litvy Linas Linkiavičus i vosiem palitołahaŭ. Udzielniki mierapryjemstva abmianialisia dumkami adnosna nakiravanaha ŭ Minsk zaprašeńnia ŭziać udzieł u pierapachavańni pareštkaŭ udzielnikaŭ paŭstańnia 1863-1864 hadoŭ i budaŭnictva ŭ Biełarusi AES. Akramia taho, adznačajuć krynicy vydańnia, na sustrečy abmiarkoŭvalisia pytańni biełaruskaj identyčnaści i rasijska-biełaruskich adnosin.
Praviadzieńnie sustrečy nie było anansavana zahadzia. U administracyi prezidenta paćvierdzili, što sustreča sapraŭdy była, tolki paśla taho, jak ŚMI daviedalisia pra jaje ad infarmavanych krynic.