U Baranavičach mužčyny skrali 30 pačkaŭ žujki i pabilisia z hruzčykam
Incydent adbyŭsia ŭ subotu, 24 žniŭnia, na vulicy Kamunistyčnaj.
Fota vykarystana ŭ jakaści ilustracyi, pravo.moe.
Na pult Departamienta achovy pastupiŭ sihnał tryvohi z kramy «Zakrama», što znachodzicca na vulicy Kamunistyčnaj. Na miesca vyjechała hrupa zatrymańnia.
Vyśvietliłasia, što dvoje nieviadomych sprabavali vykraści z handlovaj zały 27 pačkaŭ kavy i 30 pačkaŭ žavalnaj humki, ahulnym koštam bolš za 230 rubloŭ. Zatym jany ŭčynili bojku z hruzčykam i praź niekatory čas źbiehli.
Kab znajści złačyncaŭ, uziali słužbovaha sabaku. Prajšoŭšy amal piaćsot mietraŭ, u adnym z dvaroŭ pa vulicy Kamunistyčnaj supracoŭniki zatrymali dvaich biespracoŭnych, 44 i 25 hadoŭ, jakija pryznalisia ŭ złačynstvie. Hramadzian pieradali ŭ milicyju.