Piekin prymušaje ŭłady Hankonha pryniać skandalny zakon nasupierak pratestam
Kitajski ŭrad prymušaje ŭłady Hankonha praciahvać pracavać nad zakonaprajektam ab ekstradycyi, suprać pryniaćcia jakoha ź viasny iduć akcyi pratestu, paviedamlaje Reuters sa spasyłkaj na try krynicy.
Fota: Samuel Wong, shutterstock.com
Udzielniki akcyj pratestaŭ vysoŭvajuć piać patrabavańniaŭ. Siarod ich — adklikańnie zakonaprajekta ab ekstradycyi, niezaležnaje rasśledavańnie abstavin akcyj pratestu, demakratyčnyja vybary; vyklučeńnie termina «bunt» pry apisańni akcyj i źniaćcie abvinavačvańniaŭ z aryštavanych padčas ich.
U administracyi Hankonha paličyli, što zadavalnieńnie pieršych dvuch patrabavańniaŭ supakoić pratestoŭcaŭ. Adnak Piekin nastojvaje na tym, kab ułady nie vykonvali ničoha z hetych patrabavańniaŭ, i zaklikaje ich dziejničać z pratestoŭcami bolš rašuča.