Dzikaje zdareńnie pad Brestam: mama chacieła dastać dzicia z mašyny, a jano nacisnuła škłopadjomnik i pieradušyła joj šyju
20-hadovaja žycharka Žabinki trapiła ŭ balnicu z prykmietami miechaničnaj aśfiksii i cialesnymi paškodžańniami.
Vyśvietliłasia, što žančyna razam ź siamjoj haściavali ŭ vioscy Staroje Siało. Prykładna a 16.30 jaje nieprytomnaju, zacisnutaju škłom piarednich levych dźviarej aŭtamabila, znajšoŭ muž, paviedamiŭ BIEŁTA aficyjny pradstaŭnik abłasnoha Upraŭleńnia śledčaha kamiteta Dźmitryj Ivaniuk.
Mužčyna raźbiŭ šybu, vyzvaliŭ žonku z pastki i vyklikaŭ chutkuju.
«Pavodle papiarednich źviestak, žančyna pasprabavała dastać dvuchhadovuju dačku z sałona mašyny praz adkrytaje akno. Mahčyma, u hety momant dziaŭčynka nacisnuła knopku škłopadjomnika», — raspavioŭ Dźmitryj Ivaniuk.
Paciarpiełaja lažyć u balnicy. Miedyki aceńvajuć jaje stan jak ciažki.
Brescki mižrajonny adździeł Śledčaha kamiteta pravodzić pravierku, vyśviatlaje ŭsie abstaviny zdareńnia.