U Hrodnie znajšli miortvym 19-hadovaha chłopca
Uładlen Saŭko źnik 31 žniŭnia. Praź niekalki dzion jaho znajšli. Chłopiec zahinuŭ.
Uładlen syšoŭ z doma siarod nočy, a pałovie na 4-ju. Bolš jaho nichto nie bačyŭ. Miortvaha chłopca znajšli 3 vieraśnia.
Mama Uładlena paviedamiła «Našaj Nivie», što z synam zdaryŭsia niaščasny vypadak:
«Heta nie suicyd i nie zabojstva. Jon vielmi lubiŭ fatahrafavać na starym zakansiervavanym čyhunačnym moście. I ci to astupiŭsia, ci to što…»
Pa słovach žančyny, u tym, što Uładlen syjšoŭ z doma, siarod nočy taksama ničoha dziŭnaha niama. Jana kaža, što syn zaŭsiody lubiŭ hulać pa načach.
Uładlen sioleta skončyŭ Hrodzienski politechničny kaledž pa śpiecyjalnaści «technik-budaŭnik». Pastupiŭ u Brest, u techničny ŭniviersitet na zavočnaje.