Ukraincy, jakich utrymlivała Rasija, viarnulisia na radzimu
Samalot, na jakim znachodzilisia vyzvalenyja z pałonu ukraincy, pryziamliŭsia ŭ Baryspali.
Akramia taho, rasijski śpiecbort z rasiejcami pryziamliŭsia va «Unukavie» ŭ Maskvie ŭ 13:28.
B aeraporta Baryspal pałonnych Kramla sustrakajuć svajaki, blizkija, siabry i žurnalisty. Prysutničajuć taksama palityki, u pryvatnaści prezident Ukrainy Uładzimir Zialenski.
Na vychadzie z samalota Zialenski paciskaje ruku kožnamu ŭkraincu, jaki viarnuŭsia na radzimu.
Va Ukrainu ŭ ramkach abmienu prybyli 35 ukraincaŭ, siarod jakich palitviaźni Aleh Siancoŭ, Alaksandr Kolčanka, Uładzimir Bałuch, Raman Suščanka, Mikałaj Karpiuk, Stanisłaŭ Kłych, Pavieł Hryb, Jaŭhien Panoŭ, Artur Panoŭ, Edem Biekiraŭ, Alaksiej Sizanovič, a taksama zachoplenyja Rasijaj u Kierčanskim pralivie maraki.