Urahan «Daryjan» abrynuŭ viežavy kran na dom u Kanadzie VIDEA
Mocny viecier, vyklikany urahanam «Daryjan», pavaliŭ viežavy kran u kanadskim horadzie Halifaks na žyły dom. Videa, jakoje ŭdałosia źniać vidavočcam, apublikavała ŭ Twitter CBS Nova Scotia, piša lenta.ru.
Kran stajaŭ na dachu susiedniaha doma. Nieviadoma, ci znachodziŭsia chto-niebudź unutry budynka, kali na jaho abrynułasia padjomnaja kanstrukcyja, ale ab paciarpiełych abo zahinułych ničoha nie paviedamlałasia.
Pavodle miascovych ŚMI, nichto z žycharoŭ horada nie atrymaŭ surjoznych paškodžańniaŭ, niahledziačy na pavalenyja vietram drevy i sarvanyja dachi. U niejki momant da 380 tysiač čałaviek časova zastalisia biez elektryčnaści. «Daryjan» dabraŭsia da Kanady, źniziŭšysia da 2-j katehoryi - kali jon bušavaŭ na Bahamskich vyspach, jaho adnosili da kudy bolš niebiaśpiečnaj 5-j katehoryi.
Na Bahamach škoda ad stychii moža skłaści ad 25 da 40 miljardaŭ dalaraŭ. Viadoma pra 43 achviary i dziasiatki źnikłych bieź viestak. Z prybiarežnych štataŭ ZŠA napiaredadni ŭrahana evakuiravali bolš za miljon čałaviek.