Premjer Izraila Nietańjachu paabiacaŭ anieksavać častku Zachodniaha bieraha ŭ vypadku pośpiechu na vybarach
Premjer-ministr Izraila Bińjamin Nietańjachu paabiacaŭ anieksavać Iardanskuju dalinu (častku Zachodniaha bieraha raki Iardan) i paŭnočnuju častku Miortvaha mora ŭ vypadku pieramohi jaho partyi «Likud» na majučych adbycca parłamienckich vybarach, piša The Times of Israel.
«Nastupny ŭrad moža raspaŭsiudzić izrailski suvierenitet na Iardanskuju dalinu <…> [Ale] heta demakratyja. Ja nie budu ničoha rabić biez vyraznaha mandata», — zajaviŭ jon.
Nietańjachu rastłumačyŭ, što choča ŭstalavać kančatkovyja miažy Izraila, kab Iŭdzieja i Samaryja (tak nazyvajuć Zachodni bierah raki Iardan u Izraili) «nie pieratvarylisia» ŭ siektar Haza. Pavodle jaho słoŭ, heta daść mahčymaść zabiaśpiečyć biaśpieku Izraila.