Siońnia ahučać prysud u spravie ab dvajnym zabojstvie ŭ škole ŭ Stoŭbcach
Fota Uładzia Hrydzina, Radyjo Svaboda
Prysud budzie ahučany ŭ budynku Staŭbcoŭskaha rajonnaha suda ŭ 16 hadzin. Prakuror paprasiŭ pakarać abvinavačanaha maksimalna mahčymym terminam — 13 hadami źniavoleńnia, paviedamlaje Radyjo Svaboda.
Sud pačaŭsia 19 žniŭnia. Razhlad spravy byŭ prypynieny na niekalki dzion tolki pierad sprečkami bakoŭ, jakija prajšli ŭ paniadziełak 9 vieraśnia.
Vadzima M. abvinavačvajuć u złačynstvach, praduhledžanych:
- č. 3 art. 339 (chulihanstva z vykarystańniem zbroi);
- pp.1, 6, 13 č. 2 art.139 (zabojstva dźviuch i bolš asobaŭ z asablivaj žorstkaściu z chulihanskimi matyvami);
- č.1 art.14 (zamach na złačynstva);
- pp.1, 6, 10, 13 č. 2 art. 139 (zabojstva dźviuch i bolš asobaŭ z asablivaj žorstkaściu z chulihanskimi matyvami i zabojstva asoby ŭ suviazi z vykanańniem joj słužbovych abaviazkaŭ).