Minčuk chacieŭ zrabić bolš za 200 zakładak ź psichatropam
Bolš za 200 zakładak mieŭ namier zrabić 23-hadovy minčuk, ale maładziona zatrymali pravaachoŭniki, paviedamlaje staličnaja milicyja.
Supracoŭnikam staličnaha narkakantrolu pastupili apieratyŭnyja dadzienyja ab tym, što 23-hadovy minčanin moža być datyčny da niezakonnaha zbytu narkotykaŭ. Infarmacyja paćvierdziłasia: doma na kuchni ŭ chłopca znajšli bolš za 114 h asabliva niebiaśpiečnaha psichatropu alfa-PVP. Zatrymany pryznaŭsia, što pracuje na internet-kramu pa prodažy narkotykaŭ.
Jak vyśvietliłasia, u adzin ź dzion da minčuka źviarnuŭsia kuratar ad internet-kramy i paprasiŭ zabrać bujnuju partyju psichatropu. «Dasłanyja kaardynaty pryviali maładoha čałavieka ŭ les pad Minskam, adnak rasfasavać psichatrop na bolš drobnyja dozy jamu pieraškodzili apieratyŭniki», - raspaviali ŭ milicyi. Chłopiec źbiraŭsia zrabić bolš za 200 zakładak.