Eks-kapitan zbornaj Turcyi pa futbole atrymaŭ umoŭny termin
Fota ź instahrama Ardy Turana
Paŭabaroncu kłuba «Istanbuł Bašakšiechir» Ardu Turana, pravy na jakoha naležać «Barsiełonie», asudzili na dva hady vaśmi miesiacaŭ turemnaha źniavoleńnia, paviedamlaje Bi-bi-si. Pakarańnie 32-hadovaha futbalista nosić umoŭny charaktar, bo raniej jon nie byŭ sudzimy. Turana pazbaviać voli tolki ŭ vypadku paŭtornaha pravaparušeńnia ŭ najbližejšyja hady.
Chaŭbiek atrymaŭ umoŭny termin za zachoŭvańnie nielicenzijny zbroi i naŭmysny napad.
U kastryčniku 2018 hoda Turan pabiŭsia z tureckim śpievakom Bierkajem Šachinam u adnym z načnych kłubaŭ Stambuła i raźbiŭ jamu nos. Pa słovach paciarpiełaha, futbalist čaplaŭsia da jaho žonki. Turan patłumačyŭ kanflikt nieparazumieńniem.
Paźniej Turan paprasiŭ prabačeńnia pierad Šachinam. Jon pryjšoŭ u balnicu da śpievaka, pranios z saboj pistalet i paprasiŭ prystrelić jaho. Šachin admoviŭsia ŭziać zbroju ŭ ruki.