Na patencyjna zasielenaj płaniecie ŭpieršyniu znajšli vadu
Astranomy ŭpieršyniu vyjavili vadu ŭ atmaśfiery płaniety K2-18b, jakaja krucicca vakoł svajoj zorki ŭ tak zvanaj zasielenaj zonie. Pryčym vady na płaniecie, chutčej za ŭsio, vielmi šmat.
Vyjaŭlenaja na K2-18b vada ŭ spałučeńni sa spryjalnaj tempieraturaj aznačajuć, što na płaniecie moža być žyćcio.
Kampjutarnaje madelavańnie dazvalaje vykazać zdahadku, što da 50% atmaśfiery hetaj płaniety składajecca z vady.
Hetaja płanieta ŭsiaho ŭdvaja bolšaja za Ziamlu, tempieratura na joj — pamiž 0 i 40 hradusami Celsija — dazvalaje vadzie zastavacca ŭ vadkim stanie.
Umovy na K2-18b mohuć być prydatnyja dla žyćcia, ale ciapier paćvierdzić hetuju hipotezu niemahčyma.
Płanieta znachodzicca na adlehłaści 111 śvietłavych hadoŭ ad Ziamli, heta zanadta daloka, kab adpravić tudy zond.
Adzinaje, što zastajecca, — dačakacca źjaŭleńnia ŭ 2020-ch hadach novaha pakaleńnia kaśmičnych teleskopaŭ, jakija zmohuć praanalizavać skład hazaŭ u atmaśfiery K2-18b i vyśvietlić, ci jość siarod ich vyrablenyja žyvymi arhanizmami, kaža ŭdzielnik daśledavańnia doktar Inha Valdman.