Kampanija suprać budaŭnictva pad Brestam zavoda AKB vyłučyła čaćviortaha kandydata ŭ parłamient
Siońnia na tradycyjnym schodzie suprać budaŭnictva akumulatarnaha zavoda na vybary ŭ Pałatu pradstaŭnikoŭ pa Bresckaj-Pamiežnaj vybarčaj akruzie №4 vyłučyli kandydaturu aktyvista kampanii pa baraćbie z zavodam AKB, dziažurnaha «Śvincovaj varty» Uładzimira Maroza, paviedamlaje Bresckaja hazieta.
«Čaćviortaha kandydata my vyłučyli pavodle patrabavańnia ludziej. Žychary rajona, na terytoryi jakoha znachodzicca zavod, aburalisia, što pa ich akruzie nichto z pratestu nie idzie», — raspavioŭ «Bresckaj haziecie» pravaabaronca, aktyvist kampanii Raman Kiślak.
U paniadziełak akruhovaja vybarčaja kamisija razhledzić zajavu Uładzimira Maroza na rehistracyju inicyjatyŭnaj hrupy pa zbory podpisaŭ za vyłučeńnie jaho kandydatam. Na minułym tydni byli zarehistravanyja hrupy pa zbory podpisaŭ traich aktyvistaŭ pratestnaha ruchu: Alaksandra Kabanava, Aleny Makarevič i Ramana Kiślaka.
Dla rehistracyi ich kandydatami ŭ deputaty nieabchodna sabrać nie mienš za 1 000 podpisaŭ za kožnaha.
Uładzimir Maroz na fota sprava, fota Ramana Kiślaka
Kali ŭsie čaćviora aktyvistaŭ nabiaruć nieabchodnuju kolkaść hałasoŭ i ich zarehistrujuć kandydatami ŭ deputaty, kampanija pa baraćbie z zavodam budzie mieć pa adnym svaim pradstaŭniku na ŭsich vybarčych akruhach Bresta i rajona.