Kamary ŭ ZŠA pieranosiać śmiarotny dla čałavieka virus — sioleta ŭžo jość dźvie achviary
U Złučanych Štatach zarehistravana ŭžo bolš za dziesiatak vypadkaŭ zaražeńnia virusam uschodniaha encefałamijelitu koniej EEE. Pieranosčykami hetaj niebiaśpiečnaj infiekcyi, jakaja pryviała ŭžo da dźviuch śmierciaŭ, źjaŭlajucca kamary, paviedamlaje Bi-bi-si.
EEE, abo ŭschodni konski encefalit, jak jašče nazyvajuć heta redkaje, ale vielmi surjoznaje zachvorvańnie, moža nanieści istotny ŭron pahałoŭju žyvioły, a ŭ vypadku zaražeńnia ludziej pryvodzić da niezvarotnych parušeńniaŭ u rabocie mozhu i časam da źmieny asoby, a niaredka i śmiarotnaha kanca.
Virus EEE nievylečny, adnak u vypadku rańniaj dyjahnostyki, pakul jon nie dasiahnuŭ mozha, paśpiachovaje lačeńnie mahčyma. Tracina inficyravanych, jak praviła, pamiraje praź niekalki tydniaŭ paśla zaražeńnia ci praź niekalki hadoŭ z-za paražeńnia mozhu ci inšych fizijałahičnych faktaraŭ.
Čaściej za ŭsio kamary-nośbity virusa sustrakajucca ŭ paŭnočna-ŭschodnich štatach u bahnistych i lasistych rajonach z poźniaj viasny pa rańniuju vosień, a taksama i ŭ paŭdniovych štatach zimoj.
U hetym hodzie kolkaść zaražeńniaŭ čałavieka virusam JEJEIE ŭžo prykmietna pieravysiła siaredniehadavyja 5—10.
U štacie Masačusiets, dzie ŭ pačatku žniŭnia byŭ adznačany pieršy ŭ hetym hodzie ŭ ZŠA vypadak, ahułam zaraziłasia 7 čałaviek, adna žančyna pamierła, piacihadovaja dziaŭčynka zastajecca ŭ krytyčnym stanie. Prynamsi 3 čałavieki zachvareli ŭ Mičyhanie, adzin pamior. Pad padazreńniem byli jašče 4 čałavieki. Ale ŭ ich vypadku dyjahnaz nie paćvierdziŭsia. U Ńju-Džersi zarehistravany adzin vypadak zaražeńnia siarod ludziej i množnyja zaražeńni koniej, jakich pryjšłosia ŭsypić. Adzin vypadak zaražeńnia virusam JEJEIE adznačany ŭ Rod-Ajlendzie. U Indzianie paviedamlajuć pra zachvorvańni koniej. Prynamsi pa adnym vypadku zaražeńnia koniej virusam JEJEIE zarehistravana ŭ štacie Ahajo i akruzie Jork štata Men. U štacie Ńju-Jork virusam zaradžany adzin koń i dva kamarynyja bałoty ŭ rajonie Sirakuz.