U Vieniecyi 76-hadovy honščyk na matornaj łodcy ŭstalavaŭ suśvietny rekord i zahinuŭ
Italjanski čempijon pa honkach na matornych łodkach Fabia Bucy i jašče dva honščyki zahinuli ŭ Vieniecyi padčas sproby ŭstalavać novy rekord. Pra heta paviedamlaje Bi-bi-si. Bucy było 76 hadoŭ.
Na borcie łodki znachodzilisia čatyry čałavieki, adnamu ź ich udałosia vyžyć. Incydent adbyŭsia ŭ Vieniecyi, dzie honščyki sprabavali ŭstalavać novy chutkasny rekord pa vodnych honkach. Matornaja łodka na chutkaści 148 km/h urezałasia ŭ štučnuju płacinu, jakaja słužyć dla abarony Vieniecyi ad pavodki.
Jak paviedamlaje vydańnie IL Gazzettino, pierad krušeńniem honščykam ŭsio-taki ŭdałosia pastavić suśvietny rekord: jany pieraadoleli šlach ad Monte-Karła da Vieniecyi za 18 hadzin 30 chvilin.
Fabia Bucy — italjanski kanstruktar matornych kataraŭ i honščyk.
Jon vyjhraŭ 10 čempijanataŭ śvietu z tych časoŭ, jak pačaŭ svaju honačnuju karjeru bolš za 40 hadoŭ tamu.