Kiraŭnikom MVF stała ekanamist z Bałharyi
Fota ź Vikipiedyi
Eks-jeŭrakamisar pa biudžecie Krystalina Hieorhijeva źmienić na pasadzie dyrektara-rasparadčyka Mižnarodnaha valutnaha fondu Kryścin Łahard, vyłučanuju na pasadu staršyni Jeŭrapiejskaha Centrabanka, paviedamlaje Deutsche Welle.
Da vykanańnia svaich abaviazkaŭ jana prystupić z 1 kastryčnika.
Krystalina Hieorhijeva asabliva adznačyła «vialikuju adkaznaść» na novym miescy pracy. Jana spasłałasia u liku inšaha na asłablenuju suśvietnuju ekanomiku, handlovyja sprečki, ryzyki, źviazanyja sa źmianieńniem klimatu, a taksama «imklivyja technałahičnyja pieramieny».
Z momantu zasnavańnia MVF paśla Druhoj suśvietnaj vajny pasadu jaho kiraŭnika tradycyjna zajmaŭ jeŭrapiejec, u toj čas jak kiraŭnikom inšaj najbujniejšaj mižnarodnaj finansavaj arhanizacyi — Suśvietnaha banka — zvyčajna stanaviŭsia pradstaŭnik ZŠA.