Łukašenka daŭ paradu Ukrainie nakont Danbasa: Ja b pajšoŭ na ŭsio
Alaksandr Łukašenka ličyć, što Kijevu treba raspačać «lubyja kroki» dla spynieńnia vajny na Danbasie i viartańnia akupavanych terytoryj pad suvierenitet Ukrainy.
Fota Nadziei Bužan.
U tym liku, Ukrainie treba pajści na ŭstupki ŭ pytańni praviadzieńnia vybaraŭ na akupavanych terytoryjach Danieckaj i Łuhanskaj abłaściej.
«Kali ŭkrainskim uładam prapanujuć abo ŭ ich jość mahčymaść, kali, viadoma, ukrainskija ŭłady vielmi chočuć adzinstva Ukrainy i znoŭ abjadnać hetyja ŭschodnija terytoryi, dzie idzie vajna, ja b pajšoŭ na ŭsio. Na praviadzieńnie vybaraŭ? Ja b pajšoŭ na praviadzieńnie vybaraŭ. Ja b usio rabiŭ, kab vyjści na tuju miažu i ŭziać pad kantrol Ukrainu», — zajaviŭ Łukašenka.
Pry hetym Łukašenka padkreśliŭ, što nie bačyć asablivych prablem u tym, kab dać harantyi žycharam Danbasa, jakija «vajujuć za svoj kavałak ziamli, za svaju siamju».