Łukašenka na «Bielita-Viteks»: Abiacaju, što nikoli nie budu karystacca impartnymi srodkami
Alaksandr Łukašenka paabiacaŭ całkam pierajści na kaśmietyčnyja srodki ajčynnaj vytvorčaści. Pra heta jon zajaviŭ siońnia, naviedvajučy ZAT «Viteks», piša BiełTA.
«Usiu impartnuju [pradukcyju] pavykidajcie i pastaŭcie, što mnie treba. Abiacaju, što nikoli [nie budu karystacca impartnymi srodkami]. Navat kali chtości padoryć, ja tady pieradaru. Svajo treba vykarystoŭvać», — skazaŭ kiraŭnik dziaržavy.
Kiraŭnika dziaržavy padrabiazna prainfarmavali ab raźvićci vytvorčaści, prademanstravali šyroki śpiektr pradukcyi.
Jon paprasiŭ pieradać kožnaj z prysutnych na mierapryjemstvie žančyn niejki z pradstaŭlenych uzoraŭ pradukcyi. Alaksandr Łukašenka padkreśliŭ, što suvieniry apłacić z ułasnych srodkaŭ.
U čas naviedvańnia pradpryjemstva Alaksandr Łukašenka ŭ cełym daručyŭ maksimalna spryjać prodažam ajčynnaj kaśmietyčnaj pradukcyi jak za miažu, tak i nie zabyvać ab patencyjnych nišach na ŭnutranym rynku.