Minčanka zajaviła, što były kavaler jaje zhvałciŭ. Ale milicyja nie pavieryła i pakaraje dziaŭčynu
Karespandenka ahienctva «Minsk-Naviny» praviała dzień z supracoŭnikam kryminalnaha vyšuku Leninskaha RUUS Minska.
«Bližej da paŭnočy Jan Barejša adpraviŭsia na čarhovy vyklik: na vulicy Palavoj dziaŭčyna śćviardžała, što była zhvałtavanaja. U kvatery na łožku siadzieła zapłakanaja zajaŭnica ŭ padranaj majcy i jaje były kavaler. Akazałasia, maładyja ludzi vypili, zanialisia seksam, paśla čaho stali ŭspaminać minułaje. Ale tak i nie zmahli pryjści da kansensusu, chto byŭ vinavaty ŭ razryvie adnosin. Pačaŭsia skandał, dziaŭčyna viała siabie vielmi emacyjna, kidałasia ŭ bojku. Nie vytrymaŭšy, chłopiec vystaviŭ jaje za dźviery, pryčym u adnoj majcy. Byłaja kachanka vidavočna nie čakała takoha pavarotu padziej i vyrašyła adpomścić: patelefanavała ŭ milicyju, paviedamiŭšy pra zhvałtavańnie. Ciapier jaje pryciahnuć za łžyvy vyklik», — raskazvaje adnu z historyj vydańnie.