Huawei pieraadoleła zaležnaść ad amierykanskich kampanientaŭ
Kitajski telekamunikacyjny hihant Huawei abviaściŭ, što zdoleŭ abyścisia biez amierykanskich kampanientaŭ u vytvorčaści bazavych stancyj 5G i pačnie ich masavuju vytvorčaść z nastupnaha miesiaca, pieradaje Reuters.
Zasnavalnik i prezident kampanii Žeń Čženfej zajaviŭ, što Huawei paśpiachova praviała testy ŭ žniŭni i vieraśni i zmahła zamianić kala piaci tysiač amierykanskich kampanientaŭ.
U nastupnym hodzie kampanija čakaje pavieličeńnia prodažaŭ telekamunikacyjnaha abstalavańnia ŭ 2,5 razu.
ZŠA ŭviali sankcyi suprać Huawei sioleta ŭ mai. Kitajskuju kampaniju abvinavacili ŭ kradziažy intelektualnaj ułasnaści i vykarystańni svajho abstalavańnia dla špijanažu.