U Kitai źbiehły złačynca 17 hadoŭ chavaŭsia ŭ piačory i zusim nie kantaktavaŭ ź ludźmi. A trapiŭsia vypadkova
THE YONGSHAN POLICE/CHINANEWS
Kitajskaja palicyja aryštavała źbiehłaha złačyncu, jaki paśpiachova chavaŭsia cełych 17 hadoŭ. Jaho ŭdałosia znajści pry dapamozie dronaŭ, piša Bi-bi-si.
63-hadovy mužčyna, jakoha zavuć Sun Czian, byŭ prysudžany da turemnaha źniavoleńnia za handal žančynami i dziećmi, ale ŭciok z łahiera ŭ 2002 hodzie.
Usie hetyja hady jon žyŭ u malusieńkaj piačory i nie kantaktavaŭ ź ludźmi.
Palicyja Juńnania atrymała infarmacyju pra miescaznachodžańnie Suna ŭ pačatku vieraśnia, zajava pra heta apublikavana na staroncy rehijanalnaha ŭpraŭleńnia palicyi ŭ sacsietcy WeChat.
Palicejskija stali pračesvać miascovaść, praź niejki čas ułady vydzielili dla dapamohi dadatkovyja drony.
Urešcie drony vyjavili siarod skalnaj parody, na stromkim abryvie pafarbavanuju ŭ sini koler stalovuju płaścinu i ślady śmiećcia.
Palicyja dabirałasia da hetaha miesca pieššu i mienavita tam vyjaviła złačyncu ŭ maleńkaj piačory, u jakoj jon chavaŭsia hadami. Pa słovach palicyi, jon tak doŭha žyŭ adzin, što jamu było ciažka mieć znosiny ź ludźmi.
Sun piŭ vadu z raki i vykarystoŭvaŭ halinki, kab raspalvać vohnišča. Jaho adpravili nazad u źniavoleńnie.