Łukašenka nie pahadziŭsia na sumiesnaje sełfi ŭ Jerevanie, ale za jaho zdaroŭje ŭsie roŭna vypili FOTAFAKT
Premjer-ministr Armienii Nikoł Pašynian na svajoj staroncy ŭ fejsbuku apublikavaŭ fatahrafiju z prezidentami Małdovy, Kazachstana, Kyrhyzstana, premjer-ministram Sinhapura, kiraŭnikom kalehii JEAK Tyhranam Sarkisianam. Na fota adsutničajuć kiraŭniki Biełarusi i Irana Alaksandr Łukašenka i Chasan Raŭchani.
«Niekatoryja z našych kalehaŭ lubiać sełfi, niekatoryja nie. My vypili taksama za našych adsutnych kalehaŭ, jakija nie lubiać sełfi», — napisaŭ jon.