Brakańjeraŭ, jakija padstrelili kazulu, vyličyli pa śladach ad šyn BTR FOTA
gosinspekciya.gov.by
Dvuch mužčyn z Žodzina zatrymali 27 vieraśnia ŭ Smalavickim rajonie, paviedamlaje BiełTA. Brakańjery pierasoŭvalisia na śpiecyjalna abstalavanym hruzaviku HAZ-66 z šynami ad bronietransparciora vysokaj prachodnaści. Ślady ad hetych šyn ich i vydali.
Brakańjeraŭ zatrymali, kali jany padstrelili kazulu ź niezarehistravanaj dvuchstvolnaj strelby. U hruzaviku inśpiektary znajšli jašče niekatoryja detali brakańjerskaha ciuninhu. Kuzaŭ mašyny byŭ abstalavany labiodkaj i admysłovym ščytom dla taho, kab u hruzavik možna było zaciahnuć bujnuju dzičynu. A na piaredniaj častcy kabiny ustanoŭleny dadatkovyja fary, kab vysočvać źviera nočču.
Brakańjery z Žodzina palavali na ciuninhavanym aŭto ŭ vakolicy horada, ich zatrymali ź niezakonna zdabytaj kazulaj.
Mužčyny palavali ŭ zabaronienym miescy, tamu škodu ad zdabyčy kazuli acanili ŭ trajnym pamiery - atrymałasia 9,2 tysiačy rubloŭ. Zaviedziena kryminalnaja sprava, jany ŭžo pačali pakryvać škodu. Na aŭtamabil HAZ i lehkavy aŭtamabil «Nisan», jaki naležyć adnamu z zatrymanych, da suda nakładzieny aryšt.