U BDUIR vypłaciać pa 50 rubloŭ pieršakurśnikam, jakim nie chapiła miesca ŭ internacie
bsuir.com
U hetym hodzie ŭ Biełaruskim dziaržaŭnym univiersitecie infarmatyki i radyjoelektroniki ŭ internaty zasialili bolš za 70% pieršakurśnikaŭ. Usim, chto jašče maje patrebu ŭ žylli, u VNU abiacajuć dapamahčy na praciahu kastryčnika. Pakul ža tym studentam pieršaha kursa, jakija zdymajuć pakoi abo kvatery, BDUIR vydzielić razavuju materyjalnuju dapamohu ŭ pamiery 50 rubloŭ, piša Tut.by.
— Dla hetaha studentu treba budzie napisać zajavu na materyjalnuju dapamohu, - tłumačyć miechanizm Dźmitryj Kuźniacoŭ, prarektar pa vychavaŭčaj pracy ŭniviersiteta.
Užo z kastryčnickaj stypiendyjaj hrošy pryjduć studentam na kartku.
— Va univiersitecie i raniej akazvali materyjalnuju dapamohu studentam, — praciahvaje Dźmitryj Kuźniacoŭ. — Naprykład, jość materyjalnaja dapamoha na charčavańnie. Sutnaść jaje ŭ tym, što z 1 kastryčnika i da kanca siemiestra sto chłopcaŭ i dziaŭčat atrymlivajuć tałony, na jakija jany mohuć paabiedać abo ŭziać pradukty ŭ našaj stałovaj. Sorak čałaviek z hetaj sotni — pieršakurśniki.
Usiaho ŭ BDUIR čatyry internaty. Va ŭniviersitecie ŭžo zasialili bolš za 80 pracentaŭ studentaŭ roznych kursaŭ. Usim, kamu jašče patrebna dach nad hałavoj, abiacajuć dapamahčy ŭ bližejšy čas. Kab heta zrabić, VNU zaklučyŭ damovy z šeraham ustanoŭ adukacyi i pradpryjemstvaŭ-partnioraŭ, jakija hatovyja dać miescy ŭ svaich internatach dla budučych prahramistaŭ.