U Finlandyi čałaviek, jaki trymaŭ u rukach mieč, napaŭ na navučencaŭ kaledža. Adzin čałaviek zahinuŭ, dziesiać paranienyja
yle.fi
Zdareńnie adbyłosia ŭ horadzie Kuopia na terytoryi handlovaha centra, dzie raźmieščany časovyja pamiaškańni vučylišča, u jakich vučacca studenty biznes-adździaleńnia. Kłasy raźmieščany na pieršym i druhim pavierchach, piša Yle.fi
Niejki čałaviek, trymajučy ŭ rukach mieč, napaŭ na studentaŭ. Adzin čałaviek pamior, dziesiać paciarpieli, dvoje ź jakich atrymali ciažkija ranieńni. Adzin z paciarpiełych — padazravany.
Pamierłaha znajšli ŭ pamiaškańni vučylišča.
Univiersiteckaja balnica Kuopia pieraviedziena ŭ režym pavyšanaj hatoŭnaści.