Jakija teksty nam patrebny ŭ «Našaj historyi»?
Časopis «Naša historyja» vychodzić užo druhi hod. Za hety hod my pisali pra Kalinoŭskaha i Kaściušku, Vitaŭta i Kijeŭskuju Ruś, Hramyku i Dziaržynskaha.
Ahułam my apublikavali kala 250 artykułaŭ na samyja roznyja temy — pra historyju niesavieckuju i savieckuju, biełaruskuju i suśvietnuju. Prykładna 35 % ź ich nam napisali daktary i kandydaty navuk. Ale my z radaściu taksama publikujem dopisy studentaŭ, školnikaŭ, uspaminy starejšaha pakaleńnia. My adkrytyja dla ŭsich!
Ja nie budu apaviadać tut, jakija artykuły my rychtujem ciapier — chaj heta budzie dla vas siurpryzam. Ja zasiarodžusia na tym, pra što ŭ nas — i ŭ biełaruskaj prastory ŭvohule — pišuć małavata.
Nas cikaviać bijahrafii viadomych i nieviadomych, vialikich i nieprykmietnych ludziej — pieraasensavanyja z pazicyi siońniašniaha dnia.
My b z radaściu publikavali bolš artykułaŭ z historyi mižnarodnaj palityki. Asabliva pra toje, dzie prahladajucca cikavyja prajekcyi na naš čas.
Zusim nichto nam jašče nie pisaŭ pra Kitaj — a heta vielmi cikavaja nam tema.
Pop-kultura, jaje źmienlivyja zakony i zvyčai, jaje ikony i jaje lucyfiery — heta taksama cikavić biełarusaŭ.
Nie byvaje zašmat siamiejnych historyj, źviestak pra vašy małyja radzimy.
To pišycie nam! History@nn.by