ŚMI paviedamili ab hibieli ŭ Livii najmitaŭ z Rasii
U vyniku avijaŭdaru zahinuli da 35 bajcoŭ PVK Vahniera, jakija vajavali na baku armii fieldmaršała Chalify Chaftara.
U Rasiju pačali dastaŭlać cieły zahinułych u Livii bajcoŭ pryvatnaj vajennaj kampanii (PVK) Vahniera, paviedamlaje «Mieduza» sa spasyłkaj na krynicy i znajomych zahinuŭšych. Ahulnaja kolkaść achviar avijaŭdaru moža składać niekalki dziasiatkaŭ.
«Usiaho z [Śviardłoŭskaj] vobłaści [zahinuli] 15 čałaviek, a z usioj krainy, nam skazali, 35», — raspavioŭ «Mieduzie» znajomy niekalkich zahinułych ź Jekaciarynburha.
Kiraŭnik uralskaha adździaleńnia Sajuza dobraachvotnikaŭ Danbasa paviedamiŭ «Mieduza», što atrymaŭ ź Livii infarmacyju ab hibieli tam Arcioma Nieŭjancava (pazyŭny «Chałk») i Ihnata Boryčava («Bienia»). Pry hetym jon skazaŭ, što zahinułych «budzie bolš».
«Ja ničoha kazać nie budu», — zajaviła ŭ hutarcy z RBK žonka Arcioma Nieŭjancava.
Inšaja krynica «Mieduzy» — były kamandzir adnoj z ČVK — acaniŭ kolkaść zahinułych u vyniku avijaŭdaru ŭ 20 čałaviek. Adrazu niekalki čałaviek raspaviali vydańniu pra zahinuŭšaha ŭ Livii sałdata PVK pa imieni Dzianis (pazyŭny «Viektar») z stanicy Kuščaŭskaja ŭ Krasnadarskim krai. Jak minimum adzin ciažka paranieny ŭ ciapierašni čas znachodzicca ŭ Pieciarburhu, pa słovach surazmoŭcy «Mieduzy» z PVK Vahniera, heta kamandzir pieršaha atrada z pazyŭnym «Racibor», a ŭ Murmansk dastavili cieła zahinułaha z pazyŭnym «Akademik».
RBK nakiravaŭ zapyt u pres-słužbu Ministerstva abarony Rasii.
U kancy vieraśnia Bloomberg paviedamlaŭ, što kala sotni najmitaŭ PVK Vahniera prybyli na pieradavuju bazu dla ŭdziełu ŭ nastupie sił Livijskaj nacyjanalnaj armii Chalify Chaftara na Trypali. Adzin z kamandziraŭ najmitaŭ (jaho imia nie padajecca) tady paćvierdziŭ ahienctvu, što rasiejcy ŭdzielničajuć u bajach u Livii, i adznačyŭ, što niekatoryja ź ich zahinuli padčas sutyknieńniaŭ.
Da hetaha paviedamlałasia, što ŭ Livii znachodziacca kala 300 rasijskich najmitaŭ. Adnak brytanskaja hazieta The Telegraph viasnoj 2019 hoda pisała, što tyja nie biaruć udziełu ŭ bajavych dziejańniach na pieradavoj i zabiaśpiečvajuć biaśpieku padkantrolnych Chaftaru partoŭ Tobruk i Dzierna.