U «Minsk-arenu» pryznačyli novaha hiendyrektara. Pryjšoŭ kiraŭnik «Čyžoŭka-areny»
Na dniach u «Minsk-arenu» pryznačyli novaha hiendyrektara. Im staŭ eks-kiraŭnik «Čyžoŭka-areny» i były hiendyrektar chakiejnaha «Junactva» Alaksiej Prakapovič, piša Tut.by.
Z momantu pabudovy «Minsk-areny» u 2010 hodzie, abjektam kiravaŭ Mikałaj Anańjeŭ, jaki pakinuŭ pasadu letam 2019 hoda ŭ ŭzroście 70 hadoŭ. U vyniku spynilisia na tym, chto nabyŭ patrebny dośvied kiravańnia takimi abjektami i kamu nie treba času na razvarušvańnie, kažuć u viertykali. Z 1 kastryčnika hiendyrektaram «Minsk-areny» staŭ eks-hiendyrektar «Čyžoŭka-areny» Alaksiej Prakapovič.
— Nijakich siensacyj, zvyčajnaja ratacyja, ale raduje, što jaho pieršy pracoŭny dzień pačaŭsia ź pieramohi minskaha «Dynama», - kaža surazmoŭca partała.
Što ž tyčycca, «Čyžoŭka-areny», to jana pakul abiezhałoŭlena. Minsportu jašče nie nakiroŭvała nijakich kandydatur u Minharvykankam.