Rasijski «samalot XXI stahodździa» złamaŭsia ŭ palocie
Fota ź Vikipiedyi
Na rasijskim samalocie MS-21-300 padčas vyprabavalnaha palotu vyjavili niaspraŭnaść. Łajnier rychtujecca da ekstranaj pasadki ŭ padmaskoŭnym Žukoŭskim, pieradaje TASS sa spasyłkaj na krynicy ŭ ekstranych słužbach.
«U samalota padčas vyprabavalnaha palotu adbyłasia techničnaja niaspraŭnaść źviazanaja z hidraŭlikaj — nie prybralisia stojki šasi», — zajaviŭ surazmoŭca ahienctva.
17 vieraśnia MS-21 ździejśniŭ pieršy mižnarodny palot z Žukoŭskaha ŭ Stambuł. Paśla hetaha kamandzir sudna Vasilij Sievaśćianaŭ zajaviŭ, što zaŭvah «nijakich pa samalocie niama».
MS-21 («Mahistralny samalot XXI stahodździa») pryznačany dla pieravozki da 211 čałaviek na adlehłaść da 6,4 tysiačy kiłamietraŭ. Pieršy palot mašyna ździejśniła ŭ mai 2017-ha. Praciahłaść palotu tady skłała paŭhadziny, jon prachodziŭ na vyšyni 1000 mietraŭ pry chutkaści 300 kiłamietraŭ u hadzinu. Płanujecca, što sieryjny vypusk pačniecca da kanca 2020 hoda.