Maci achviaravała dziasiatki litraŭ hrudnoha małaka paśla śmierci dački
Amierykanka, čyjo dzicia pamierła praz hadzinu paśla źjaŭleńnia na śviet, achviaravała chvorym i niedanošanym dzieciam 33 litry hrudnoha małaka, piša Daily Mail.
Aleksis Maryna z Paŭdniovaj Dakoty naradziła dačku sioleta ŭ kancy lipienia. Adnak dziaŭčynka pamierła praz hadzinu i dziesiać chvilin paśla źjaŭleńnia na śviet praź śmiarotny ŭnutryvantrobny parok raźvićcia.
22-hadovaja maci i jaje muž mocna haravali. Adnak žančyna vyrašyła dapamahčy ŭsim, čym zmoža, inšym novanarodžanym dzieciam u balnicy. Za siem tydniaŭ jana nacadziła bolš za 33 litry małaka. Maryna vielmi hanarycca vynikam.