U Indyi vykrali popieł Handzi
U dzień 150-hodździa Machatmy Handzi nieviadomyja ludzi vykrali jaho pareštki, paviedamiła indyjskaja palicyja, piša bbc.com.
Prach byŭ vykradzieny ź miemaryjała ŭ centralnaj častcy krainy, dzie jon zachoŭvaŭsia z 1948 hoda - z taho času, jak Handzi pamior u vyniku napadu.
Złamyśniki taksama napisali na ścianie ź jaho zdymkami słova «zdradnik».
Niekatoryja radykalnyja induisty ličać Handzi zdradnikam, bo ŭ svoj čas jon vystupaŭ za adzinstva i prymireńnie induistaŭ z musulmanami - chacia sam byŭ induistam.
Handzi kiravaŭ Rucham nacyjanalnaha vyzvaleńnia za indyjskuju niezaležnaść i spaviadaŭ fiłasofiju niehvałtoŭnaści. Bolšaść ludziej u Indyi pa-raniejšamu nazyvajuć jaho «baćkam nacyi».
U toj ža čas značnaja kolkaść radykalnych induistaŭ ličać, što jaho pohlady byli zanadta «pramusulmanskimi».
Zabojstva Handzi ŭ studzieni 1948 h. stała vynikam zmovy induisckich ekstremistaŭ, jakija admovilisia pryniać jaho pohlady na mirnaje suisnavańnie z musulmanami.
Paśla śmierci Handzi byŭ kremiravany, a popieł byŭ vystaŭleny ŭ niekalkich miemaryjałach u roznych častkach Indyi.