Polšča paviedamiła, kali admovicca ad rasijskaha hazu
Polšča płanuje całkam admovicca ad rasijskaha hazu da kanca 2022 hoda. Pra heta zajaviŭ upaŭnavažany pradstaŭnik urada pa stratehičnaj enierhietyčnaj infrastruktury Piotr Naimski, paviedamlaje polskieradio.pl.
Pa słovach Naimskaha, kraina atrymlivaje najbolš hazu z Rasii na dadzieny momant. Adnak Polšča maje namier admovicca ad hetaha kantraktu ŭ kancy 2022 hoda. Alternatyvaj rasiejskim pastaŭkam stanie novy hazavy terminał u Śvinavuści i hazapravod Bałtyjskaha trubapravoda.
«Paśla 2022 hoda hetaja prablema budzie vyrašana, uvieś impart hazu ŭ Polšču budzie iści ź inšaha kirunku», - skazaŭ Naimski, udakładniŭšy, što novymi pastaŭščykami mohuć stać ZŠA i Katar.
Pryjomny terminał dla zvadkavanaha pryrodnaha hazu ŭ Śvinavuści paśla pašyreńnia zmoža davać da 7,5 miljarda kubičnych mietraŭ rehazavanaha hazu ŭ hod. Pa hazapravodzie Baltic Pipe z Narviehii miarkujucca pastaŭki jašče vaśmi miljardaŭ.