U Dobrušskim rajonie pradavačka koŭdraŭ pryjšła da 92-hadovaha dziaduli, vychapiła z ruk hrošy — i źbiehła
92-hadovy žychar vioski Łahuny źviarnuŭsia ŭ milicyju 1 kastryčnika. Jak raspavioŭ mužčyna, dniom da jaho pryjšła pradavačka koŭdraŭ.
Žančyna prapanavała tavar niby z maksimalnaj źnižkaj dla vieteranaŭ Vialikaj Ajčynnaj vajny i nazvała canu.
«Dziadula pahadziŭsia. Vynies ŭsie svaje źbieražeńni, kab adličyć patrebnuju sumu. Hościa, ubačyŭšy stos hrošaj, skazała, što hetaha chopić, uziała ŭsie hrošy i vybiehła z chaty», — raspavioŭ BiełTA Vital Prystromaŭ.
Pa słovach adnaviaskoŭcaŭ, pradaviec pryjechała na «žyhulach» čyrvonaha koleru, jana taksama zachodziła da ich i prapanoŭvała tavar. Supracoŭniki kryminalnaha vyšuku ŭstanavili miescaznachodžańnie. 42-hadovaja hamialčanka — zatrymanaja.
Pa fakcie rabavańnia (č.1 art.206) KK raspačata kryminalnaja sprava. Častka hrošaj kanfiskavana.