Ukrainski deputat zajaviŭ ab atrymańni Bajdenam $ 900 tysiač za łabizm
Fota ź Vikipiedyi
Były vice-prezident ZŠA Džo Bajden atrymaŭ ad ukrainskaj kampanii Burisma Holdings $ 900 tys. za łabisckuju dziejnaść, zajaviŭ ukrainski deputat Andrej Dziarhač, pieradaje «Interfaks-Ukraina».
«Hrošy ŭ sumie $ 900 tys. byli pieraličanyja na rachunak amierykanskaj kampanii Rosemont Seneca Partners, źviazanaj, pa dadzienych adkrytych krynic, u tym liku The New York Times, z Bajdenam. Pryznačeńnie płaciažu — apłata za kansultacyjnyja pasłuhi», — skazaŭ deputat.
Na pres-kanfierencyi ŭ Kijevie Dziarhač pakazaŭ dakumienty, dzie, pavodle jaho słoŭ, apisany miechanizm atrymańnia Bajdenam-starejšym srodkaŭ. Nardep zajaviŭ, što atrymaŭ hetyja materyjały ad žurnalistaŭ.
Deputat nie ŭdakładniŭ, kali kankretna zrobleny hetyja vypłaty. Bajden-starejšy byŭ vice-prezidentam ZŠA z 2009 pa 2017 hod, jaho syn Chanter pačaŭ pracavać u Burisma ŭ 2014-m.