Chitry minčuk uziaŭ kredyt pa čužym pašparcie, skarystaŭšysia padabienstvam z kaleham
Staličnyja pravaachoŭniki zatrymali 23-hadovaha chłopca, jaki, skarystaŭšysia vonkavym padabienstvam sa svaim kaleham, atrymaŭ 2000 rubloŭ, paviedamlaje haradskaja milicyja.
Telefanavańnie z banka ab zapazyčanaści pa kredycie prymusiła zachvalavacca 24-hadovaha minčuka. Supracoŭniki banka maładomu čałavieku paviedamili, što na jaho imia aformleny kredyty na bytavuju techniku. Pakolki sam małady čałaviek ničoha nie afarmlaŭ, pa dapamohu źviarnuŭsia ŭ milicyju.
Apieratyŭniki vyvučyli pradastaŭlenyja bankam dakumienty, praviali pravierku i vyśvietlili, što da afarmleńnia kredytaŭ datyčny 23-hadovy kaleha.
Znajšoŭšy ŭ rečach tavaryša pašpart, jon adpraviŭsia ŭ najbližejšy mahazin bytavoj techniki, dzie aformiŭ na imia kalehi kredyt na bytavuju techniku. Padazreńniaŭ u supracoŭnikaŭ banka chłopiec nie vyklikaŭ, bo mieŭ źniešniaje padabienstva z čałaviekam na fatahrafii ŭ pašparcie.
Nabyŭšy techniku, jon pierapradaŭ jaje ŭ internecie. Hrošy patraciŭ.