Na «Noč rasstralanych paetaŭ» źbirajuć hrošy praz fejsbuk. Jak heta pracuje?
U noč z 29 na 30 kastryčnika ŭ Kurapatach projdzie «Noč rasstralanych paetaŭ». Sioleta u fejsbuku zapuścili kampaniju pa zboru srodkaŭ na akcyju.
Instrumient dla kraŭdfandynhu fejsbuk stvaryŭ jašče ŭ 2015 hodzie. Spačatku źbirać hrošy praź jaho na svaje mety mahli tolki niekamiercyjnyja arhanizacyi. A z 2017-ha — i asobnyja karystalniki.
Kab paŭdzielničać u kraudfandynhu, nie treba zavodzić asobny kabiniet ci elektronny kašalek. Achviaravać možna adnoj knopkaj — uvodziš tolki dadzienyja kartki i sumu, jakuju chočaš pieraličyć.
«Hrošy pieravodziacca praz systemu stripe. Heta samy prosta sposab achviaravańniaŭ na siońnia», — tłumačyć adzin z arhanizataraŭ zboru Franak Viačorka.
«Noč rasstralanych paetaŭ» u 2018 hodzie, fota Voli Aficeravaj.
Za dva dni na «Noč rasstralanych paetaŭ» sabrali bolš za 1600 dalaraŭ — 81% ad patrebnaj sumy. Hrošy achviaravali 90 čałaviek. Siarod ich — dyrektar «Kinakonha» Andrej Kim, dyrektar «Art-siadziby» Aleś Śnieh, aktyvist Anton Matolka, vykładčyca Julija Čarniaŭskaja.
«Ciapier vydadzieny płakaty, fłajery, płanujem jašče buklety i inšuju pradukcyju. Kali što sa srodkaŭ zastaniecca, budziem pieradavać ich na inšyja prajekty pa temie Kurapataŭ i rasstrelnaj nočy», — paviedamiŭ Źmicier Daškievič.