Piaskoŭ: Pytańnie viartańnia Kryma navat nie abmiarkoŭvajecca. Ni ŭ jakim farmacie
U Kramli ličać niemahčymym abmierkavańnie pytańnia viartańnia Kryma Ukrainie ŭ lubym farmacie, uklučajučy samit «narmandskaj čaćviorki». Pra heta paviedamiŭ pres-sakratar prezidenta Rasii Dźmitryj Piaskoŭ, paviedamlaje RBK.
«Hetaje pytańnie było zakryta ŭ svoj čas, i pryčyny hetaha dobra viadomyja», — zajaviŭ Piaskoŭ, kamientujučy prapanovu prezidenta Ukrainy Uładzimira Zialenskaha abmierkavać pytańnie padčas sustrečy «narmandskaj čaćviorki».
Hetuju ideju ŭkrainski lidar vykazaŭ padčas pres-marafona, adbyŭsia 11 kastryčnika hetaha hoda.
Paźniej namieśnik kiraŭnika MZS Rasii Andrej Rudenka zajaviŭ, što rasijski bok nie maje namieru abmiarkoŭvać temu prynaležnaści paŭvostrava ŭ jakim-niebudź farmacie. Jašče ŭ 2016 hodzie prezident Rasii Uładzimir Pucin adznačaŭ, što «nikoli nie budzie» abstavinaŭ, pry jakich było b mahčyma viartańnie Kryma Ukrainie.