Sud Hienui apraŭdaŭ siamju Džusta‑Barnačyn
jakaja ŭ 2006 hodzie na praciahu 20 dzion pierachoŭvała biełaruskuju siratu Viku Maroz
Sud Hienui (Italija) 18 lutaha apraŭdaŭ siamiejnuju paru Alasandra Džusta i Maryju‑Kjaru Barnačyn, jakija abvinavačvalisia ŭ vykradańni i ŭtrymańni na praciahu 20 dzion niepaŭnaletniaj biełaruskaj siraty Viki Maroz.
Jak paviedamlaje hazieta Corriere della Sera, apraŭdany taksama maci A.Džusta i M.‑K. Barnačyn Maryja Jelena Danińjo i Maryja Bondzi, pastar Daniła Hryła i probašč klaštara Fransis Darbieli.
Sud nie znajšoŭ u ich dziejańniach składu złačynstva, pakolki ŭsie jany «dziejničali ŭ abstavinach krajniaj nieabchodnaści».«Vika zaznavała nasille ŭ prytułku ŭ Biełarusi, my pavinny byli vyratavać jaje luboj canoj», — cytuje hazieta słovy A.Džusta ŭ sudzie.
U siamji Džusta‑Barnačyn jość paŭtarahadovy syn. «Ale Vika taksama naša dačka.
My nikoli nie pierastaniem zmahacca za toje, kab znoŭ abniać jaje. My dla jaje tata i mama», — padkreśliŭ A.Džusta.
Nahadajem, u vieraśni 2006 hoda siamja A.Džusta i M.‑K.Barnačyn, da jakich Vika Maroz niekalki hadoŭ pryjazdžała ŭ hości na kanikuły, admoviłasia viartać dziaŭčynku ŭ Biełaruś. Muž i žonka śćviardžali, što ŭ vilejskim internacie dziaŭčynka zaznavała «fizičnaje i maralnaje nasille». Na praciahu 20 dzion jaje chavali ŭ klaštary na poŭnačy Italii. 27 vieraśnia italjanskaja palicyja znajšła Viku, a 30 vieraśnia jana była dastaŭlena śpiecyjalnym avijarejsam u Minsk. Praź miesiac dziaŭčynku addali ŭ siamju Aleny i Siarhieja Vasileŭskich, dzie ŭžo vychoŭvaŭsia staršy brat Viki. Dahetul brat i siastra nie mieli znosin na praciahu niekalkich hadoŭ. Dzieci sustrelisia dziakujučy inicyjatyvie siamji Džusta‑Barnačyn: jany adšukali italjanskuju paru, u jakoj haściavaŭ brat dziaŭčynki.
U vieraśni 2007 hoda ŭ Hienui pačaŭsia sud nad siamiejnaj paraj, ich baćkami i dvuma śviatarami. Inicyjataram razboru vystupiła pasolstva Biełarusi ŭ Italii.