Trahiedyja paŭtaryłasia
19 lutaha apoŭdni adbyłasia bujnaja aŭtaavaryja ŭ Babrujskim rajonie pablizu vioski Savičy. Tam sutyknulisia try aŭtamabili: dźvie lehkavyja inšamarki i hruzavik.
U vyniku dva čałavieki zahinuli i dva atrymali traŭmy. Składanyja ŭmovy nadvorja i nieaściarožnaje manieŭravańnie — paŭtaryłasia situacyja 17 lutaha, kali na hetaj ža trasie Minsk — Homiel u Babrujskim rajonie zahinuli 2 darosłych i 2 dziaciej.
U pres-centry DAI UUS Mahiloŭskaha abłvykankama paviedamili, što viadziecca śledstva, vyśviatlajucca padrabiaznasci zdareńnia, vyśviatlajucca asoby zahinułych.