900 vajskoŭcaŭ, 250 adzinak techniki. Pad Brestam prachodziać biełaruska-rasijskija vučeńni
21—25 kastryčnika na palihonie «Brescki» projdzie aktyŭnaja faza biełaruska-rasijskaha batalnaha vučeńnia, paviedamili tut.by u 38-j asobnaj hvardziejskaj desantna-šturmavoj bryhadzie.
Fota: 38-ja bryhada.
U vučeńni zadziejničany rasijskija i biełaruskija desantniki. Usiaho — kala 900 vajskoŭcaŭ, 250 adzinak bajavoj i śpiecyjalnaj techniki, bolš za 10 viertalotaŭ i samalotaŭ.
Kiruje vučeńniem kamandujučy siłami śpiecyjalnych apieracyj Uzbrojenych Sił Biełarusi hienierał-major Vadzim Dzienisienka.
Biełaruskija i rasijskija desantniki adpracujuć desantavańnie, viadzieńnie raźviedvalna-bajavych dziejańniaŭ u tyle ŭmoŭnaha praciŭnika i stralbu z usich ahniavych srodkaŭ, jakija stajać na ŭzbrajeńni padraździaleńniaŭ.