Kanada: partyja Trudo vyjhrała vybary, ale sama sfarmiravać urad nie zmoža
Libieralnaja partyja kanadskaha premjera Džaścina Triudo, jakaja lidziruje na parłamienckich vybarach, nie nabiraje absalutnuju bolšaść u 170 mandataŭ, śviedčać papiarednija źviestki na sajcie CVK, piša ria.ru.
Partyja Trudo lidziruje ŭ 158 akruhach z 338. Ciapier libierałam pryjdziecca šukać partniora. Kansiervatary zabirajuć 119 akruhaŭ.
U paniadziełak u Kanadzie prajšli vybary ŭ pałatu hramad (nižniuju pałatu parłamienta). Vyniki hałasavańnia pavinny byli vyznačyć, ci zachavaje svoj post premjera 48-hadovy lidar libierałaŭ Trudo.
Hałoŭnym kankurentam libierałaŭ vystupaje Kansiervatyŭnaja partyja. Śledam sa značnym adstavańniem iduć «Novyja demakraty» na čale z kanadcam indyjskaha pachodžańnia Džahmitam Sinhcham, Kviebiekski błok i «zialonyja».