Nazvanyja top-10 miescaŭ dla padarožžaŭ u 2020-m. Lidar rejtynhu vas mocna ździvić
Nazvanyja dziesiać najlepšych miescaŭ dla padarožžaŭ u 2020 hodzie pa viersii turystyčnaha partału Lonely Planet.
Lidaram u rejtynhu stała karaleŭstva Butan. Asablivaściu hetaha nakirunku źjaŭlajecca «mahčymaść hulać pa niezabrudžanych hornych ściežkach u kampanii ludziej, čyje budyjskija vieravańni znachodziacca va ŭnikalnaj harmonii z navakolnym asiarodździem». Adznačajecca, što ŭžo ŭ nastupnym hodzie Butan piarojdzie na poŭnuju arhaničnuju vytvorčaść, što dazvolić jamu stać «jašče pryhažejšym».
Druhoje miesca ŭ śpisie zaniała Anhlija, dzie, na dumku ekśpiertaŭ, turysty zmohuć atrymać asałodu ad malaŭničych vidaŭ na samaj doŭhaj bierahavoj linii ŭ Jeŭropie, praciahłaść jakoj składaje amal 3 tys. mil.
Trojku lidaraŭ zamykaje Paŭnočnaja Makiedonija, jakuju čakaje maštabny rebrendynh ŭ suviazi ź jaje pierajmienavańniem. Partał taksama raić turystam vyprabavać novuju piešachodnuju ściežku — High Skardus Trail praciahłaściu 495 km, maršrut jakoj achoplivaje terytoryi Ałbanii, Kosava i Makiedonii i raźličany prykładna na 20 dzion šlachu.
Taksama ŭ rekamiendavany śpis napramkaŭ patrapili niderłandski vostraŭ Aruba ŭ Karybskim mory, karaleŭstva Esvacini (były Svazilend) na poŭdni Afryki, Kosta-Ryka, Niderłandy, Libieryja, Maroka i Uruhvaj.