U Homieli dva junaki prateściravali na padletku elektrašokier
17 vieraśnia ŭ apieratyŭna-dziažurnuju słužbu Centralnaha RAUS Homiela źviarnułasia žančyna. Jana paviedamiła, što nieviadomyja ŭdaryli elektrašokieram jaje 14-hadovaha syna, paviedamlaje milicyja.
Milicyjaniery vyśvietlili, što napiaredadni jaje syn razam ź siabram išoŭ sa škoły №72. Pa darozie im sustrełasia kampanija maładych ludziej, jakija zabaŭlalisia, bjučy adzin adnaho elektrašokieram. Ubačyŭšy vypadkovych minakoŭ, jany nalacieli na padletkaŭ i pačali na ich vypraboŭvać šokier. Adzin padletak paciarpieŭ ad udaru tokam, druhi byŭ mocna napałochany.
Supracoŭniki milicyi znajšli chulihanaŭ. Imi akazalisia 17-hadovy i 15-hadovy chłopcy, jakija raniej traplali ŭ pole zroku pravaachoŭnikaŭ. Starejšy, darečy, sudzimy za rabavańnie.