Na vialiki kancert Lavona Volskaha pradadzienyja ŭsie kvitki
Arhanizatary vialikaha kancertu Lavona Volskaha abviaścili «sołdaŭt». Kvitkoŭ u prodažy bolš niama.
Elektryčny kancert u čatyroch adździaleńniach projdzie 26 kastryčnika ŭ najbujniejšym minskim kłubie Prime Hall. Upieršyniu ŭ historyi na adnoj scenie prahučać paŭnavartasnyja sety ź piesień hurtoŭ Mroja, N.R.M., ZET, VOLSKI. Sioleta hetyja hurty adznačajuć svaje jubilei. Muzyki abiacajuć sapraŭdnaje šou z kaściumami, admysłovym śviatłom i dekaracyjami.
Adrazu paśla histaryčnaha kancertu hurt Lavona Volskaha vypraŭlajecca ŭ tur pa Biełarusi. Admysłovaja prahrama «All inclusive» z najlepšymi hitami ŭsich časoŭ prahrymić u Mahilovie, Viciebsku, Maładziečnie, Słonimie, Baranavičach, Bieraści, Harodni i Salihorsku (śpis haradoŭ budzie dapaŭniacca). Kvitki ŭžo dasiažnyja na sajcie Kvitki.by i ŭ kasach apieratara pa ŭsioj krainie (u tym liku kramy «Jeŭrasietka», «Suviazny», «Na suviazi» ŭ lubym horadzie).