Supiertryumf Viktoryi Azaranki
Biełaruska vyjhrała tenisny turnir adrazu ŭ dvuch razradach! Zdaryłasia heta siońnia ŭnačy ŭ amierykanskim Miemfisie.
Biełaruska Viktoryja Azaranka vyjšła pieramožcaj tenisnaha turniru Cellular South Cup Title, što prachodziŭ u Miefmisie (Teniesi, ZŠA).
U finale adzinočnaha razradu jana pieramahła pradstaŭničku Danii Karalinu Vaźniacki -- 6:1, 6:3.
Samaje cikavaje, što adrazu paśla hetaha pačaŭsia finał parnaha razradu, dzie Azaranka i Vaźniacki vystupali razam.
Biełaruska-dacki duet pieramoh Julijanu Fiedak/Michaełu Krajčak (Ukraina/Hałandyja) - 6:1, 7:6 (7:2).
Takim čynam Viktoryja Azaranka vyjhrała pa druhim svaim turniry – u indyvidualnym i parnych razradach -- u karjery.
Pieršy indyvidualny turnir jana vyjhrała ŭ studzieni ŭ Bryśbienie (Aŭstralija), a pieršy parny turnir jašče ŭ kastryčniku 2006 h. u Taškiencie.
Što da adzinočnaha turniru, dyk heta ž vydatna, vyjhravać pa turniry ŭ miesiac. Dva turniry ŭ siezonie vyjhranyja.