Biełaruś prahnie pieramienaŭ
Muž dy žonka, užo staryja ludzi, nočču pryjšli, kab zapalić śviečy pierad balkonam haładoŭščykaŭ! Kali ja prachodziŭ pobač, hetyja ludzi razmaŭlali z moładździu, padtrymlivali ich.
U dzień spynieńnia haładoŭki salihorskimi aktyvistami roznyja salihorcy, nie damaŭlajučysia pamiž saboj, prademanstravali pavahu da tych, chto 216 hadzinaŭ trymaŭ haładoŭku. Na centralnaj płoščy vystavili śviečki i butelki z vadoju; kala balkonu – prosta pryhožyja śviečy. Minaki viedali sens akcyjaŭ, spynialisia dy razmaŭlali... Ale ja nie pra heta. Ja viartaŭsia dadomu amal praź dźvie hadziny, niedzie a pałovie na čaćviertuju. Vidovišča mianie ŭraziła!
Muž dy žonka, užo staryja ludzi, nočču pryjšli, kab zapalić śviečy pierad balkonam haładoŭščykaŭ! Kali ja prachodziŭ pobač, hetyja ludzi razmaŭlali z moładździu, padtrymlivali ich.
Mnie stała soramna, što tydzień tamu nia zdoleŭ pajści na mužny i nieabchodny krok – dałučycca da siabroŭ. Ale hety vypadak pierakanaŭ mianie šče raz, što Biełaruś prahnie pieramienaŭ.
Kastuś Minak, Salihorsk